منه بیر نقشه چکیب باغریمی قان ائدی فلک
اورگی قانچیل ائدیب دئشدی روان ائدی فلک
بئلیمی ائدی کامان چاتدی غمین منده لرین
رقیبه گون وئره لی بیرده جاوان ائدی فلک
چوخ سئوه ردیم یاریله عشق ائوین ده یاشیاق
زله سالدی ائوه یخدی تالان ائدی فلک
بیلیرم چرخ فلک من یازیقا ترسه چونور
سانکی گوردی گولورم قاتدی یامان ائدی فلک
عشقمین آنلامادیم گوللی چیچکلی باهارین
قاخدی یئل سئوگی باغین یولدی خزان ائدی فلک
تا "کیان" سویله دی اوز احوالینی
خالقی بیله
آنللادی ظولمولرین آه و فغان ائدی فلک
کیان تبریزی
آبانماه 98
درباره این سایت