نِیله ییم سن بیلسن یوخدی سنین تک مارالیم
قویما یالقیز قالالی رنگیم آتیب دیر سارالیم
هر قده ر ناز ائده سن نازیوی جاندان آلارام
حیف دیر سن سیز اولوب من گئجه لرده قارالیم
سنی
گورجک آچیلارسینه ده غملی اورَگئیم
منی تک قویما عزیزیم گوزلیم شن دیلئیم
گله رم گولگه کیمی هریانه گئدسن بونی بیل
اَلیمی اوزمه رم البت گئده هر جوت بیلئیم
آچمیشام عشقه اویان قاپلاری تا کی گله سن
سوزولن گوز یاشیمی آل یاناغیمدان سیله سن
بلکه آیدین اولا یانمیش سینه ده عشق اودی
چکیلن شعله لرین ایستی سینی سن بیله سن
آمان اللاه نه گوزلدی یاریلان من گوروشم
چکم آغوشومه خلوت گئجه ده بیر اوپوشم
داها قالماز "کیان" نین آرزی گوزونده
اوزامان
سئوگیلیم له دولاشیب سارماشیق اولموش سئووُشم
کیان تبریزی
11 آذر 98
درباره این سایت