بیلمیر دای نه اولوب شاهمار ایلان تک چالیسان
سایمیرسان سئوگیلووی دای منی گوزدن سالیسان
اولمویا گیزلی یارین واردی منه دوز دئمیرسن
آیریلیق ماهنی سنین زمزمه سین ده چالیسان
قویما قالسین اورگینده سوزووی آشکارا دِه
گورورم عشقیمیزی سو کوزه سیله جالیسان
شوقیله ساخلامیشام عطیرلی دستمال لارووی
بوگون او دستمالووی فیکره دوشوبسن آلیسان
گاه اولور گوزدن ایتیرسن یاریله بیرله شیسن
خیلک اول یاریله باهم گوروشوبسه قالیسان
"کیان" نین عشقی قالاندی آپارار قبر
ائوینه
سن ده میل ائت رقیبه چون داماغیندا بالیسان
14 آذر ماه 98
کیان تبریزی
درباره این سایت