الیووی چکمه الیم دن سوزالیب اودلانارام
منله قال آی مارالیم قاداوی هرگون آلارام
سن گلن یولارا گولپر سپه رم نازلی یاریم
گولابیله کوچه نی سن گله لی تام سولارام
اورگیمده قوشارام شانلی ترانه آدووا
احمال احمال گله سن من ده سازیمی چالارام
نه گوزلدی سنیله بیر ده گوروشماق زامانی
جانیمی پِشکش اِئدیب سنله کرانسیز قالارام
ای گوزل لر گوزلی گوزلییرم تِز گله سن
ایوانی سهمان ائدیب قیرمیزی فرشلر سالارام
آدون ازبردی منه شعر و غزل ده گلیری
"کیانین" ذوقا دولوب ایندیجه اسمین
یازارام
کیان تبریزی
بهمن ماه 98
درباره این سایت