بیر کره کئفسیزلیب دورماغا حالیم اولمادی
سئوگیلیم بیگانه اولدی دای یانیمدا قالمادی
من دئیردیم روحوموز بیردیر بدن لر آیریدی
عشقیمی او قایتاریب پشمان اولوبدیر آلمادی
من سارالدیم غوصه دن ای وایه دوشدوم ناله دن
او شقایق تک قیزاردی باخچاسیندا سولمادی
سسله دیم حالیم خراب دی گئدمه قال دیلداریمه
بیرجه ذره گوزلری بو آیریلیقدان دولمادی
مجنونون دا یانمادی احوالینه اوز لیلاسی
بو یالان دونیاده لیلی ، توکلرین ده یولمادی
خشمگین اولما کیان عشقین سرانجامی بودور
دوغروسو هچ عاشیقه دیلداری ماهنی چالمادی
کیان تبریزی
28 دیماه 98
درباره این سایت