دوداغیندان سوزولن بال منی کئفلندیریری
شاعیرم ذوقه گلیب سوز منی دیللندیریری
آچیسان غونچه دوداغین گوله سن عاشقیوه
او گوزل لعل لبین دونیامی گوللندیریری
هر زامان گیس پریشانووی افشان ائلیرسن
نسمیله اسیری توکلری یئللندیریری
آشییقام سازی چکیب باغریما قوشما قوشورام
سنین او گولمه لرین سازیمی زیللندیریری
سئویرم سنله اولام آیریلیقین فیکرین آتام
یوخسا هیجران سوزی گوز یاشیمی سئللندیریری
" کیانام " آرخائینام هیجرانا فیکر
ایله مه روق
رقیبیم چوخ چالیشیر چشمه نی لیللندیریری
کیان تبریزی
مرداد 98
درباره این سایت